DAVAO CITY- Sikop ang usa ka estudyante nga nakuhaan og P1.3 Million nga kantidad sa Marijuana subay sa gipahigayong buy bust operation sa mga sakop sa Eden Police Station 19 ngadto sa Purok 3 Sitio Habana, Barangay Catigan, Toril District ning dakbayan sa Davao kagahapong adlawa, ala 1:30 sa hapon.
Giila ang suspek nga si Prince Ian Sambalud, 18 anyos, estudyante, lumulupyo sa NHA Village Buhangin, Davao City ug giilang numero uno sa Drug Watchlist sa Davao Region.
Sumala pa kang Police Major Jonnel Bonguyan, nangulo sa maong operasyon, nga ang suspek napalitan sa usa ka brick sa pinaugang dahon sa marijuana nga nagkantidad og P5,000.
Dugang niini, nakuhaan sab ang suspek og laing 11 pa ka mga bricks sa gituohang pinaugang dahon sa marijuana nga mokabat sa 11.37 kilos.
Gani, balhug karon sa prisohan ang suspek ug nag-atubang sa kasong RA 9165 Comprehensive Dangerous Drugs Act of 2002.
VIA|| Kaye Marie Gulle
