DAVAO CITY- Landig karon sa balay tambalanan ang usa ka babaye human kini gidunggab sa iyang bana gumikan sa selos. Subay sa report gikan sa otoridad, nakahiagom ang maong biktima og samad sa walang bahin sa iyang likod.
Nailhan ang biktima nga si Ruth Jane Candelario, 33 anyos ug residente sa Limao Camp-23, Island Garden City of Samal.
Sa pagkakaron, padayon gihapon nga nagpaalim sa Southern Philippines Medical Center (SPMC) ang biktima samtang ang kapulisan padayon nga nag-imbestiga mahitungod sa panghitabo aron mabal-an usab og si kinsay ginaselosan ug unsa ang gigamit nga armas sa bana niini sa pagpangdunggab ug kung magpasaka ba og tukmang kaso ang biktima.
Sa pikas bahin, gipahimangnuan sa otoridad ang publiko ilabi na ang mga magtiayon nga kung adunay mga problema, dili iagi sa kainit sa ulo o magpadala man sa emosyon nga ginabati tungod tanang butang mahusay lamang sa tarong nga pakig-istorya.
VIA|| Danica Baguio
