-- ADVERTISEMENT --
DAVAO CITY- Sikop ang usa ka lalaki nga adunay dala nga kalibre 45 nga pistola human nga nagmaoy kini sa Purok Bautista, Barangay Mankilan sa Tagum City kagahapon sa kadlawon, Oktubre 9, ning kasamtangang tuig. Giila ang biktima nga si alyas “Junior”, 49 anyos, panday, lumulupyo sa San Isidro, Davao Oriental.
Sumala pa sa Tagum City Police nga aduna silay nadawat nga reklamo gikan sa usa ka concerned citizen nga nagmaoy ang maong dinakpan samtang gunit ang pistola.
Balhog karon ang suspek ngadto sa Tagum City Police Station ug gipasakaan na og kasong paglapas sa Republic Act 10591 kon Comprehensive Firearms and Ammunition Regulation Act gumikan wala kiniy mapakita nga mga legal nga dokumento sa iyang pistola.
VIA|| Kaye Marie Gulle
