DAVAO CITY- Dakpan ang upat ka Public Utility Jeepney (PUJ) atol sa mas gipahugtan pa nga roadside operations sa Land Transportation Franchising and Regulatory Board Davao (LTFRB XI) Enforcement Unit dinhi sa dakbayan.
Ang nahisgutang upat ka mga Public Utility Vehicles nga nadakpan ug gipang-isyuhan og Inspection Report Summons (IRS) ang gilangkuban sa usa ka Taxi nga adunay Defective dashcam; usa ka PUJ nga pakyas makadala og Certificate of Public Convenience (CPC); usa ka UV Express nga adunay Defective dashcam sab, ug usa ka UV Express gumikan sa not wearing of proper uniform.
Ang nahisgutang inisyatibo ang gilusad sa ahensya nga nagtumong masiguro ang kaluwasan sa sumasakay nga publiko pinaagi sa pag-garantiya sa mga operators ug mga drivers sa istriktong pagpatuman sa mipatigbabaw nga mga regulasyon alang sa mga Public Utility Vehicle.
