DAVAO CTY- Giproklama isip Best Police Provincial Office ang buhatan sa Davao De Oro Police Provincial Office atol sa 121st Police Service Anniversary ug Launching sa Revitalized PNP KASIMBAYANAN nga gipahigayon sa Police Regional Office 11 Parade Ground, Camp Sgt. Quintin M Merecido, Buhangin Davao City niadtong Setyembre 26, 2022.
Usa ang Davao De Oro Police Provincial Office sa mga unit nga gipailawom sa bug-os nga evaluation base na usab sa ilang performance ug mahinungdanong kalampusan sa pagsuporta sa misyon sa Philippine National Police sa pagpatuman sa balaod ug pagpugong sa mga krimen.
Sa pikas bahin, gipasidunggan sab ang 1st Davao de Oro Provincial Mobile Force Company isip best mobile force company sa pagpadayon sa kalinaw ug kahusay, pagsiguro sa kaluwasan sa publiko ug internal nga seguridad uban ang aktibong suporta sa komunidad. Gidayeg sab ni PCOL.
Faco ang tanang makugihong personnel sa Davao de Oro Police Provincial Office sa ilang dakong paningkamot sa pagpatunhay sa kalinaw ug kahapsay sulod sa probinsiya nga maoy naghatag og dalan sa pag-angkon nila sa labing maayong police provincial office sa PRO 11.
Via || Bombo Bryan Abe
