DAVAO CITY- Gipahigayon ang pagdungog sa kaso ni Dr. Marvin Rey Andrew Pepino, suspek sa pagpatay sa 19 anyos nga Grade 9 student nga si Amierkhan Mangacop kaganihang buntag.
Gipahigayon ang arraignment niini sa Branch 17 alang sa kasong Homicide subay na usab sa gi-issue nga kamanduan ni acting Presiding Judge Emanuel Carpio.
Sa pikas bahin, aron malikayan ang bisan unsa mang perception mahitungod sa pagka-bias ug impartiality, boluntaryo nga nag-inhibit alang sa paghupot sa maong kaso si Presiding Judge Marie Estrellita Tolento aron nga ma-re raffle kini sa ubang branch.
Kahinumduman nga niadtong Hulyo 2, 2022, sabado sa kaadlawon,nahitabo ang pagpamusil-patay sa usa ka Non Uniformed Personnel kon NUP-Doctor nga si Marvin Pepino ngadto sa 19 anyos nga si Amierkhan gawas sa usa ka bar sa may Tavera ning dakbayan.
