DAVAO CITY- Nagpahigayong og profiling ang buhatan ni First District Representative Paolo Duterte kauban ang Department of Labor and Employment (DOLE) 11 alang sa Tulong Panghanapbuhay sa Ating Disadvantaged and Displaced Workers o TUPAD beneficiaries gikan sa pipila ka mga barangay sa unang distrito.
Ang TUPAD usa ka community–based package assistance nga nagahatag og emergency employment alang sa mga displaced, underemployed, ug seasonal workers sulod sa labing menos 10 ka adlaw ug dili mulapas sa maximum nga 30 ka adlaw depende sa matang sa trabaho nga himoon.
Nag-unang makabenepisyo sa maong programa mao ang mga trabahante gikan sa salon ug barbershops, street vendors, school maintenance ug janitors, scrap collectors, dressmakers, shoemakers, therapists, cockfight bet collectors, indigents, displaced workers ug pamilya sa mga inmates.
Sa pikas bahin, una na sab nga nakabenepisyo sa programa ang pipila ka mga tricycle ug jeepney drivers ug operators gikan sa una, ikaduha ug ikatulong distrito ning dakbayan.
Nagpadayon ang pagpaningkamot sa buhatan sa unang distrito aron matabangan ang mga benepisyaryo niini nga labing naapektohan sa krisis nga hatud sa COVID-19 pandemic
