DAVAO CITY – Magpahigayon ug extension alang sa mga buot magparehisro sa National ID sa Ecoland Terminal hangtud Setyembre 16, adlawng Sabado.
Sumala pa kang DCOTT manager Aisa Usop, gisugdan kining mobile registration sa Philippine Statistics Authority niadto pang adlawng Lunes, Setyembre 12.
Apan gumikan sa gidaghanon sa mga nagparehistro alang sa PHILSYS application nga kasagarang mga kunduktor, driver, porters, peddlers ug pipila ka mga pasahero sulod sa terminal, gilugwayan pa kini hangtud sa gikaingong petsa.
Mamahimong makaadto sa Ecoland Terminal alang sa National ID registration gikan alas nuwebe sa buntag hangtud alas singko sa hapon.
Ginaawhag sab sa PSA ang tanan nga magpatala na alang sa ilang National ID sa pinakaduol nga PSA registration booths sa ilang lugar.
via || Bombo LJ Florendo
