DAVAO CITY – Magpahigayon ug vaccination rollout batok COVID19 duol sa mga simbahan sa tibuok dakbayan karung bulan sugod karung adlawng Dominggo, Setyembre 4.
Gikanayon ni Davao City COVID 19 Task Force spokesperson Dr. Michelle Schlosser, target sa maong vaccination drive nga mabakunahan ang mga manimbahay matag Dominggo nga wala pa nagpabakuna kon makakumpleto sa ilang mga booster shots, ug aron mapadali sab ang access sa mga Dabawenyo aron makabaton ug bakuna kontra virus.
Sa unang simana sa implementasyon niini, ipahigayon ang bakunahan sa Rizal Park nga duol lamang sa San Pedro Cathedral.
Gipaambit sab sa tigpamaba sa buhatan nga abli ang vaccination rollout adlaw-adlaw gikan Lunes hangtud Byernes sa mga District Health Offices, matag Sabado sa People’s Park; ug sa vaccination areas duol sa mga simbahan sugod karung Dominggo.
via || Bombo LJ Florendo
