Gipahigayon ang send off ceremony sa mga managlahing security personnel kagahapong adlawa sa compound sa Davao City Police Office kun DCPO nga maoy magpatuman sa seguridad atol sa pagsaulog sa ika 37 nga kasaulogan sa Kadayawan sa Dabaw.
Gimanduan ang mga personahe nga gikinahanglan mag igmat kanunay dili lamang sa pagpatuman sa seguridad atol sa kasaulogan sa aktibidad lakip na sab ang pagsunod sa minimum health protocol tungod anaa gihapon ang hulga sa COVID-19 virus.
Gikan Agosto 5 ngadto sa 21 ning kasamtangang tuig, muabot sa 11,459 ka mga security personnel ang gipakatag sa tibuok dakbayan kung asa adunay ipahigayon nga aktibidad. Adunay magbantay sa entry and exit points sa Dabaw paingon sa venue ug hugot nga rikisahon sa mga awtoridad arun way angay kabalak-an ang publiko sa mga security threats.
Via || JEN MANGUIOB
