Pag-abli sa 18 ka Health Districts alang sa distribution sa COVID-19 vaccine, sugdan na karong adlawaDAVAO CITY – Sugdan na karong adlawa, Hulyo 4, 2022 , ang pag-abli sa 18 ka health districts dinhi sa sydudad sa Dabaw alang sa pag-apud-apod sa bakuna batok COVID-19.

Sumala kang Dr. Michelle Schlosser , tigpamaba sa Davao City COVID-19 Task Force , positibo kini nga sugdan na sa tanang health districts ang pag-operate karong adlawa nga walay mahitabong aberya o problema.

Gisiguro sab sa opisyal nga trained ang mga medical personnel nga ipakatag sa matag vaccination sites district , partikular na ang pagbakuna sa mga bata nga anaa sa age group nga 5-11 years old.

Samtang, nagpaabot na lamang ang Davao City COVID-19 Task Force sa sunod nga direktiba o guidelines gikan sa Department of Health (DOH), kalabot sa pag-apod-apod sa COVID-19 booster alang sa mga indibidwal nag edad 12-17 anyos.

Sumala pa kang Schlosser, kung wala pa silay nadawat nga guidelines gikan kanila, dili gihapon sila maka-administer niini sa syudad bisan gisugdan na sa Luzon.

Sa kasamtangan, matud pa sa health officer, anaa pa lamang sa 20% ang nakakuha sa ilang unang booster dose dinhi sa syudad.

Via || Hana Rallos