DAVAO CITY – Padayon sa pakig-alayon ang Davao City sa ilang mga sister cities sa Bangladesh ug Japan.
Gikumpirma kini ni Davao City Investment Promotion Center unit head of Investor Assistance and Servicing, Christian D. Cambaya.
Matud ni Cambaya, nag-awhag ang Khulna City sa nasud Bangladesh isip ilang sister city human sa pagbisita sa ambassador to the Philippines nga si Borhan Uddin kang Mayor Sebastian ‘Baste’ Duterte sa nakalabay nga bulan.
Nanghinaut ang ilang syudad nga mamahimo silang kaabag sa Davao City para sa gisugyutang economic and cultural ties tali sa duha ka syudad.
Sa susamang bulan sab nibisita ang Japanese Ambassador Koshikawa Kazuhiko aron sa pagpalig-on sa ilang partnership.
Gikanayon pa ni Cambaya nga ginatun-an pa ang infrastructure master plan and flood mitigation ingon man ang pinansyal nga hinabang ug suportang pang-teknikal alang sa pagpatuman niini, inubanan sa mga proyektong nasugdan na susama sa Davao City Bypass Road Construction Project ug ang ginahan-ay pang Waste-to-Energy project.
Sa pagkakaron, ginahulat pa ang ilang letter of interest ug ang proposal alang sa mga proyekto.
Gawas sa mga langyaw’ng mga syudad, adunay forge ang Davao uban sa dose ka mga syudad sa Pilipinas sama sa Liloan sa Cebu, Dapitan ug Marawi.
Via || LJ Florendo
