DAVAO CITY – Walay hunong ang pagahatg og hinabang sa lokal nga kagamhanan ngadto sa mga pamilya nga nasunugan sa Barangay 23-C Mini Forest Boulevard ning syudad.
Pinaagi sa City Social Welfare and Development Office (CSWDO) paspas nga napadangat sa lokal nga kagamhanan ang mga hinabang ug uban pang mga panginahanglanon alang sa matag usa nga apektado sa sunog sa nahisgutang barangay.
Usa sa giplastar dayon sa lokal nga kagamhanan mao ang pagbutang og usaka mobile kitchen sa gym sa Barangay 23-C nga nagsilbi isip evacuation center sa barangay.
Gikanayon ni CSWDO Head Atty. Marlisa Gallo, gawas sa init nga pagkaon alang sa mga apektadong indibiduwal, nanglista sab sila kung pila ka mga kapanimalay ang naguba ug naugdaw sa sunog.
Muabot sumala pa sa 100 ka mga balay ang naugdaw ug gibana-banaan nga moabot sa P700,000 ang nahimong damyos sa nahisgutang sunog.
Samtang, gikanayon usab ni FO1 Juvil M. Padang sa BFP Sta. Ana Station nga kumpirmadong duha ka mga tawo ang namatay nga gilangkuban sa usa ka 19 anyos nga si Arham Osman nga namatay samtang giluwas ang iyang igsuon ug usaka bedridden nga nailang si Randy Sumalinog, 45 anyos, kinsa namatay human ang respiratory support niini ang napalong human nag-blackout sa lugar gumikan sa sunog.
Via || Angie Chagas
