DAVAO CITY – Dako ang pagsalig ni Vice President-elect Inday Sara Duterte sa igsoon niining si Mayor-elect Sebastian “Baste” Duterte nga mangatungdanan isip mosunod nga mayor sa dakbayan sa Dabaw.
Sumala kang VP Inday, dili kini ang unang higayon ni Baste sanglit nagdako kini sa politika ug governance ug sama kaniya, kaniadto nangatungdanan usab siya isip vice mayor sulod sa usaka termino.
Sumala pa niini, sulod sa nahisgutang 3 ka tuig, nakita na sumala pa ni Mayor Baste ang mga kinahanglan sa dakbayan sa Dabaw ug kini ang gipangandoy sa mga dabawenyo nga magbaton og malinawon, luwas ug malambuon nga syudad.
Sumala pa ni VP Inday nga kung aduna man siya’y buot hatagan og prayuridad sa mosunod nga administrasyon sa Davao LGU, kini mao ang mga proyekto ug programa nga magpalambo sa competitiveness sa syudad sama sa infrastructure, pagbangon sa ekonomiya gikan sa pandemya ug good governance.
Samtang gipasalig usab niini kang Mayor-elect Baste nga mamahimong abri ang iyang opisina kung ugaling aduna kini buot nga ikunsulta o alang sa bisan unsa mang butang nga adunay kalabutan sa pagsilbi sa syudad.
Via || Angie Chagas
