DAVAO CITY – Kapin singko mil ka mga driver ug mga operators sa taxi sa dakbayan sa dabaw ang nakadawat ug ayudad gikan sa Land Transportation Franchising and Regutory Board (LTFRB) 11.
Gipang-apod-apod sa LTFRB 11 ang fuel subsidy alang sa mga taxi driver ug taxi operators sa dakbayan sa dabaw kagahapong adlawa June 25, 2022.
Gipangunahan mismo ni LTFRB chairman Atty Martin Delgra ug LTFRB 11 Regional Director Nonito Llanos III ang pag-apod-apod sa nahisgutang ayudad. Matag Taxi Driver ug Taxi Operators sa dakbayan sa Dabaw ang nakadawat ug tag 6,500 pesos nga fuel subsidy card.
Dako usab ang pasalamat sa mga nahisgutan beneficiary gumikan kay dakong tabang na sa ilang pagpamasahero ang nadawat nga fuel card taliwala sa padayong pagsaka sa presyo sa mga produktong petrolyo.
Gawas sa ceremonial turnover sa cash card, gipahigayon usab ang pagpirma sa Fuel Subsidy 2022 Manifesto of Support tali kang Chairman Delgra ug Llanos.
