DAVAO CITY – Gikahinaman na sa tanan ang gikatakdang pagpahigayon sa face to face kadayawan festival celebration karong tuiga, usaka maayong lakang gikan sa virtual festival edition nga gipahigayon niadtong 2020 ug 2021 gumikan sa covid 19 pandemic.
Apan gikanayon ni Davao City Tourism Operations Office (CTOO) Officer-in-Charge Generose Tecson nga gikatakda pa silang makigtagbo tali sa Kadayawan Execom alang sa approval sa face-to-face celebration.
Gikatakda ang 2022 Kadayawan Festival sa August 15 – 21, 2022.
Na-una nang gipirmahan ni Acting Mayor Sebastian Z. Duterte ang Executive Order (EO) No. 21, Series of 2022, niadtong June 8, 2022, alang sa kamugnaan sa executive committee ug sub-committees alang sa 2022 Kadayawan sa Davao Festival.
Ang 2022 Kadayawan Executive Committee ang gilangkuban sa city mayor o kaha sa city administrator isip chairperson ug sa Davao City Chamber of Commerce and Industry Inc. president isip co-chairperson.
Samtang ang mga execom members ang langkuban usab sa e Sangguniang Panlungsod Committee on Tourism and Beautification chairperson, incumbent Indigenous Peoples Mandatory Representative sa konseho, City Budget Office officer-in-charge, Museo Dabawenyo officer-in-charge, CTOO officer-in-charge, ug ang assistant city administrator for operations. Gipasalig usab sa CTOO nga sa higayong madayon ang face to face celebration hugot nga ipatuman ang minimum public health standards partikular na ang pagsul-ob ug facemask.
