DAVAO CITY – Nahuman na karong adlawa ang gipatuman nga Comelec Gun ban dinhi sa dakbayan sa Dabaw, sukad una gilusad kini niadtong Enero 9, 2022.
Subay sa datos nga gipagawas sa PRO 11, anaa sa kinatibukang 183 gun ban violators ang arestado lakip ang 174 nga girekober ug gisakmit nga mga armas, 32 nga mga improvised nga armas ug 710 ka mga bala.
Ang nahisgutang ihap gumikan sa malapuson gipahigayon nga mga operasyon sa kapulisan diin sumala sa record, anaa sa 58 buy-bust, 1 illegal logging, 9 operations batok loose firearms, 18 search warrants , 2 warrant of arrest , 54 police responses , 28 checkpoints, ug 1 Oplan Katok.
Bisan pa sa presensya sa mga milapas sa Comelec Gun Ban , gibutyag sab sa PRO 11 ang hapsay ug malinawon nga pagpahigayon og 2022 National and Local Elections.
Mipadayag usab og pasalamat si Police Brigadier General Benjamin H Silo Jr., Regional Director, PRO 11, ngadto sa walay hunong nga pagpaningkamot sa tanang sakop niini sa PNP , sa mga kaalyadong pwersa sa peacekeeping, sa tagsa-tagsa ka Local Goverment Units, ug ngadto sab sa katawhan sa nagkalaing dapit sa dakbayan sa Dabaw
