Gidayeg ni Finance Secretary Frederick Go ang nagkadakong ambag sa Davao Region sa ekonomiya sa nasod, ilabina sa pagkonektar sa negosyo, mga mamumuo, kapital ug merkado.
Matod ni Go, mitubo og 5.1 porsyento ang ekonomiya sa rehiyon niadtong 2025, nga mas paspas kumpara sa kinatibuk-ang economic growth sa Pilipinas.
Dugang pa, iyang gihulagway ang Davao Region isip pinakadakong ekonomiya sa Mindanao, ika-lima sa pinakadakong regional economies sa nasod ug ika-upat sa labing paspas nga nagtubo nga rehiyon.
Gipasiugda usab ni Go ang papel sa Davao City isip usa sa mga highly urbanized cities nga adunay kusog nga economic activity ug importante nga kontribusyon sa negosyo ug pamuhunan.
Lakip sa iyang punto nga ang padayong paglambo sa rehiyon makatabang sa pagpalapad sa trabaho, negosyo ug regional trade.
Sa pagkakaron, gitan-aw sa national government ang Davao isip usa sa mga importanteng growth centers nga makatabang sa mas lapad nga economic development sa Mindanao ug sa tibuok nasod. | VIA BOMBO EROS PAJOTA
