DAVAO CITY – Malampuson nga mas gipalig-on ang gilusad nga mga militar operasyons sa nagkadaiyang unit ubos sa Eastern Mindanao Command (EASTMINCOM) nga miresulta sa neutralisasyon sa 452 ka mga Communist Terrorist Groups (CTG) members ug pagkarekober sa nagkalain-laing matang sa high-powered firearms sulod lamang sa lima ka bulan karong tuiga.
Sumala kang Lieutenant General Greg Almerol, Commander sa EASTMINCOM, lakip sa maong ihap ang 35 ka rebelde nga gipatay , 26 ang nadakpan, 194 ang mitahan ug laing 197 ang misalikway sa ilang supurta sa teroristang kalihukan sukad Enero 2022.
Gitaho usab nga moabot sa 342 high-powered firearms ang narekober sa tropa diin 106 niini ang gikan sa mga mitahan samtang 236 nakaplagan atol sa pakipagkombante. Kahinumdom, kaniadtong Mayo 20 ning tuiga, Lakip sa malampusong nakumpiska sa otoridad atol sa operasyon ang duha ka M16A1 rifles, duha ka M4 Carbines rifles, M653 rifle, M14 rifle, four M16 magazines, ug upat ka bandoliers sa Kitaotao, Bukidnon human giblgar sa CTG leader ngadto sa 1002nd Brigade’s 72nd Infantry Battalion (IB).
Nabungkag sab karon tuiga sa EastMinCom ang unom ka guerrilla fronts ug duha ka Sub-Regional Guerilla Units (SRGUs) tungod sa pakigalayon sa mga lider sa nagkadaiyang komunidad ug mga kanhing rebelde. Gidayeg usab sa opisyal ang tropa sa ilang paningkamot ug dedikasyon sa ilang operasyon sa pakipagsangka batok sa lokal nga komunista ug armadong katawhan ayha pa mahuman ang administrasyon ni Presidente Rodrigo Duterte.
