DAVAO CITY – Nagpabilin gihapon ang dakbayan sa Dabaw nga naa sa Alert Level 1 sugod karong adlawa May 16, 2022 hangtud May 31, 2022.
Samtang, nagpabilin gihapon ilalom sa alert level 2 ang uban pang dapit sa Davao region nga gilangkuban sa Davao del Norte, Davao del Sur, Davao Oriental, Davao de Oro ug Davao Occidental.
Gawas sa dakbayan sa Dabaw, nagpabilin usab ilalom sa alert level 1 ang uban pang dapit sa Mindanao nga gilangkuban sa Zamboanga City ug sa mga lungsod sa Mahayag sa Zamboanga del Sur ug Diplahan sa Zamboanga Sibugay; Bukidnon, Camiguin, Misamis Occidental, Misamis Oriental, Cagayan de Oro City ug Iligan City sa Northern Mindanao; Kalamansig Sultan Kudarat sa Soccsksargen; ug Surigao del Sur, Butuan City ug Upi sa Maguindanao.
Bisan pa niini, gitambagan ang matag usa nga sundon lamang gihapon ang minimum public health standards (MPHS) ilabi na ang pagsul-ob ug face masks, kanunay nga pagpanghugas ug kamot ug ang pagpabakuna batok Covid 19 lakip na booster shots.
Na-una nang gibutyag sa Davao city covid 19 task force nga nangandam na silang daan labot sa posibling masinatiang surge human nang eleksiyon.
