DAVAO CITY – Nagkaguliyang ang mga katawhan sa sentro nga bahin sa Calinan ning dakbayan pasado alas dies kaganinang buntag human mamatikdan ang usaka karton nga gibilin duol sa usaka bakeshop.
Pasado alas 10 kaganinang buntag sa dihang namatikdan ang usaka karton nga taud-taud na usab nga gibilin atubangan sa Pandero bakeshop sa highway sa calinan ning syudad.
Human madawat ang report labot niini, paspas nga mi-responde ang mga sakop sa Calinan Police station sa pagpanguna ni Police Major Jack Leon Tilcag, station commander kauban ang EOD ug ang Task force Davao.
Grabe ang kalisang sa mga tawo sa dihang milingkod canine dog duol sa karton nga psoibling nagpasabot nga adunay sangkap o bomba nga sulod niini.
Apan sa dihang gisusi na sa kapulisan ang unod sa nahisgutang karton nakompirma nga dili bomba kung dili mga saging lamang ang unod niini.
Hinuon, dako ang paslamaat sa kapulusan ngadto sa katawhan sa Calinan gumikan kay igmat ang mga nahisgutan ug gireport dayon sa kapulisan ang maong panghitabo.
Samtang, subling gipahinumdom sa kapulisan sa katawhan nga hugot nga gidili sa balaud ang bomb joke ug bomb scare diiin ilalom sa Presidential Decree No. 1727 ang mga makasupak niini ang dakpon, pasakahan ug kaso ug mabilanggo.
