DAVAO CITY – Hugtanon na karun ang gipatuman nga seguridad sa kapulisan sa Davao region sa mga lugar nga init ang panag-atbang sa mga politiko ilabi na nga unom ka adlaw na lamang ipahigayon na ang May 2022 National and Local Elections.
Kahinumduman nga ubay-ubay ka mga lugar sa rehiyon ang gipailalom sa areas of concern nga nahimutang sa Davao del Sur; munisipalidad sa Davao Occidental; Davao del Norte; munisipalidad sa Davao Oriental ug pipila ka mga lugar sa Davao de Oro ug Davao del Sur gumikan sa init nga panag-atbang sa mgha politiko ingon man presensiya sa mga armadong grupo.
Nag-unang tumong karun sa otoridad nga malinawong mapahigayon ang eleksiyon ug masiguro ang seguridad sa mga botante.
Ayha ang eleksiyon sa Mayo 9, lauman nga mahan-ay na ang pag-deploy sa mga nagkadaiyang law enforcement unit sa Davao region ug dinhi sa dakbayan.
Gawas sa otoridad, nangandam na sab karun ang mga magtutudlo kinsa una ng gibansay arun magsilbi isip mga board of election inspectors (BEIs).
