DAVAO CITY – Padayon nga nakiglambigit ang ahensiya sa Department of Health (DOH) ngadto sa 1,069,299 unvaccinated individuals sa rehiyon nga hangtud karun wala pa gihapon nakapabakuna.
Kahinumduman nga subay sa ulahing datus sa rehiyon, anaa sa 3,048,570 individuals ang fully vaccinated o 69.3 percent sa target population nga 4,397,683.
Ang nahisgutan nga numero nagpakita ug dyutay nga margin gikan sa 3,328,384 ka mga indibidwal nga nakadawat sa ilang first dose.
Bugtong 424,084 ka mga indibidwal o 9.6 percent ang nakadawat sa ilang booster o dugang dose.
Naangkon sa dakbayan sa Davao ang 84.6 percent alang sa fully vaccinated samtang 86.6 percent ang nakadawat lamang sa ilang first dose.
Nakadawat sab ang siyudad ug minimal takers sa booster shot nga adunay 242,414 ka mga indibidwal gikan sa 1,531,004 nga target.
Sa tibuok Davao region, ang Davao Oriental province ug Davao del Norte nagpakita ug taas nga percentage sa fully vaccinated uban ang 66.1 percent ug 66.8 percent.
Misunod ang Davao de Oro uban ang 58.4 percent fully vaccinated.
Ang Davao del Sur adunay 56.4 percent nga fully vaccinated samtang Davao Occidental nakaangkon na ug 51.4 percent.
Sa uban nga mga munisipalidad sa rehiyon, ang Talaingod sa Davao del Norte adunay 63.9 percent unvaccinated gikan sa 23,340 target population, Jose Abad Santos Davao Occidental adunay 53.6 percent unvaccinated gikan sa 67,468 target population samtang ang Pantukan sa Davao de Oro adunay 47 percent unvaccinated gikan sa 74,086 nila ka target population.
