DAVAO CITY – Nagpabilin karun nga alerto ang mga sakop sa Davao City Police Office (DCPO) arun lamang masiguro ang kahusay ug kalinaw sa eleksiyon sa siyudad bisan nga walay natala sa siyudad nga lugar nga gipailalom sa election area of concern o hotspot.
Sumala pa kang DCPO spokesperson Maj. Teresita Gaspan, nagpahigayon na sila ug pagbansay-bansay sa mga trainees gikan Regional Training Center 11 – Philippine Public Safety College.
Tanan nga mga police personnel kalakip na kadtong mga naka-leave o anaa sa tulonghaan ang ipatawag arun nga mo-duty atol mismo sa eleksiyon.
Samtang nagpahimangno si Gaspan sa mga Dabawenyos nga ipadayon ang pagtamud sa minimum public health standards ilabi na ang mandato nga pagsuot ug face masks bisan nga gipabilin karun ang siyudad sa Alert Level 1.
Kahinumduman nga una ng gipailalom sa Police Regional Office Davao Region (PRO-11) ang mga lugar sa Sta. Cruz, Matanao, Magsaysay, Malalag, Hagonoy ug Padada sa Davao del Sur; New Corella sa Davao del Norte; ug Monkayo sa Davao de Oro ang ilalom sa yellow category o adunay mild risk of violence.
Samtang ang mga dapit nga gimonitor gumikan sa presensiya sa mga rebeldeng grupo o orange category ang gilangkuban sa mga lungsod sa Mabini, Maco, Maragusan, Montevista, New Bataan and Pantukan in Davao de Oro; Lupon, Davao Oriental; ug Kiblawan, Davao del Sur.
Samtang wala sumala pay munisipalidad sa rehiyon nga gipailalom sa red category, o kumbinasyon sa init nga political rivalry sa mga kandidato ug adunay presensiya sa mga armed groups.
