DAVAO CITY – Gikasubo pag-ayo sa marine biologist nga si Darrel Blatchy ang pagkamatay sa usaka balyena nga midagsa sa baybayon sa Davao Oriental.
Gikanayon ni Blatchey nga usa kini ka talagsaon nga matang sa balyena ug ang pagkamatay niini ang moresulta sa mas pag-ubos pa sa kaliwatan sa maong isda.
Subay sa pahayag sa mga nakakita niini, buhi pa ang nahisgutang balyena sa dihang na stranded sa mabaw nga bahin sa dagat sa maong dapit.
Dugang pa ni Blatchey nga kung naatiman lamang unta dayon ang nahisgutang balyena wala unta kini mamatay.
Milungtad sumala pa ug taas nga oras ang pagpabilin sa balyena sa mabaw nga bahin sa kadagatan diin nahimo kining atraksiyon ug gidugukan sa daghang mga tawo.
Namatay ang maong balyena 3 ka adlaw human nga kini ang nag-antos sa sakit.
Giputol-putol sumala pa ang patay nga lawas sa balyena gamit ang chain saw ug gilubong kini sa mabaw lamang nga lubnganan.
Sa karon ginasubay pa ang hinungdan sa kamatayon sa balyena ug ginasuta pa usab kuong unsa kini nga matang sa isda.
