DAVAO CITY – Gipatuman na karon ang no movement policy sa tanang mga poultry products sa lungsod sa Maysaysay sa Davao de Sur human makompirma nga apektado na sa avian influenza o brid flu ang mga binuhing itik sa barangay San Isidro sa maong dapit.
Gikanayon ni Helen Carampatan, ang municipal agriculturist sa Magsaysay nga tumong niini nga dili na mokaylap pa sa kasikbit nga mga barangay sa maoong lungsod ang bird flu virus.
Hinanali usab nga nakigtagbo ang department of agriculture ngadto sa lokal nga kagamhanan sa Magsaysay ug sa mga barangay officials lakip na sa mga nagbuhi ug manok, pato, itik ug susama pang mga kahayupan.
Nanawagan si Carampatan nga hinanaling makig-alayon sa hingtungdang mga ahensiya sa higayon nga mamatikdan ang mga simtomas sa bird flu sa ilang mga binuhing kahayupan.
Sa karon, gikanayon ni Carampatan nga aduna pa silay ginapaabot nga resulta sa test nga gihimo sa lain pang mga pato ug manok sa laing mga dapit ug ilang gipanghinaut nga mahimong negatibo kini.
