DAVAO CITY – Gipasalig karun sa lokal nga kagamhanan nga dili maapektohan ang nagpadayon nga vaccination roll out nga gipaluyohan sa mga lokal nga opisyal bisan pa man nga okupado ang mga nahisgutan sa ilang pagpangampanya.
Kahinumduman nga ang gipahigayon nga mobile vaccination sa mga konsehal ang nakatampo ug daku arun nga daling makab-ot ang heard immunity sa dakbayan ingon man ang house to house vaccination.
Apan luyo niini, hugtanon nga nagpahimangno karon ang buhatan sa Commission on election (Comelec) sa mga opisyal nga bisan mamahimong ipadayon sa mga konsehal ang ilang gipaluyohan nga vaccination roll out pinaagi sa ilang mga ginsakupan, dili na nila mamahimong gamiton sa mga nahisgutan ang ilang pangalan alang sa maong aktibidad kini pinaagi sa pagpahimutang ug mga tarpaulin sanglit makonsidera na kini sa pagpangampanya.
Makonsidera sumala pa nga Social services ang mobile vaccination apan dili kini mamahimong gamiton karung panahon sa eleksiyon bisan pa man nga gipaluyohan kini sa usa ka konsehal.
Una na sab nga gipahibalo sa buhatan sa Bise Mayor nga pabilin sab nga aktibo ang mga numero nga mamahimong tawagan alang sa ipahigayon nga door to door vaccination alang sa mga indibidwal nga dili personal nga makaadto ug personal sa mga vaccination hubs sa dakbayan.
