DAVAO CITY – Nanawagan karon si Davao City Covid-19 Task Force spokesperson Dr. Michelle Schlosser sa publiko nga pahimuslan ang nagpadayon nga pagbakuna.
Una ng nasayran nga ang laing rollout sa booster dose vaccine o 4th dose vaccine batok Covid-19 ang mamahimo sumala pa nga ipatuman sa bulan sa Abril niining tuig kasamtangan.
Sa higayon nga maaprubahan na ang guidelines, daghanang mga vaccination personnel ang mupailalom sa training ug susama nga execution ang ipatuman susama sa initial rollout sa first booster dose vaccine.
Sama sa milabay nga mga pagbakuna, hatagan pa gihapon ug prayoridad ang senior citizens ug persons with comorbidities atol sa 4th dose sa bakuna ayha ang i-akomodar ang general public.
Gipasabot sa opisyal nga sagad mga tigulang ang makaangkon ug severe type sa Covid-19 disease hinungdan nga kinahanglan mahatagan sila ug proteksiyon sa ilang kaugalingon pinaagi sa boosters doses.
Una ng nasayran nga tulo ka mga Covid-19 death cases sa milabay nga semana lamang ang susama nga dili bakunado.
Gani susama sab nga severe to critical cases sa Covid-19 ang nahisgutan nga mga pasyente hinungdan nga kinahanglan nila ug hospitalization ayha nakutloan sa ilang kinabuhi.
Sukad kagahapong adlawa, Marso 30, ang dakbayan nakatala ug 0.4 percent positivity rate uban ang duruha ka mga bag-ong kaso.
Apan posible sab nga subling masinatian ang surge gumikan sa BA.2 subvariant sa Omicron variant sa coronavirus disease pag-abot sa usa ngadto na sa duruha ka bulan gikan karun gumikan sa mag gipaluagan nga mga restrictions ingon man daghanan na ang nanggawas.
Mas maayo sumala pa nga ipabilin ang pagsuot sa facemask ug mutamod sa uban nga health protocols arun ang pagtakud-takod sa kagaw.
