DAVAO CITY – Gipasalig sa Eastern Mindanao Command (EastMinCom) ilalom sa kadumalahan ni LtGen. Greg T. Almerol ang hapsay ug malinawon nga National ug Local Elections sa May 9, 2022, human maplastar ang ilang security measures isip suporta sa uban pang mga law enforcement agencies sa Eastern Mindanao area.
Gipasalig ni LtGen ALmerol ngadto sa publiko nga ang mga ginsakupan sa EastMinCom ang nakigtambayayong tali sa COMELEC ug sa Philippine National Police (PNP) alang sa free, orderly, honest, peaceful, and credible elections.
Dugang pa sa heneral nga ang pamugnaan sa Joint Security Control Centers (JSCCs) ug Election Monitoring Action Center (EMAC) sa tanang levels of Command ang hugtanong gipatuman isip kabahin sa security mechanism. Kini ang gilangkuban sa deployment sa mga tropa alang sa election duty, pagpahigayon ug joint checkpoints, ug visibility patrol sa area.
Gikanayon usab ni Almerol nga naa sa high alert status ug andam nga i-deploy kung gikinahanglan ang tanang mga available resources sa EastMinCom control sama sa land, sea, ug air assets.
Sayo niini, gilagdaan sa AFP, PNP, Philippine Coast Guard (PCG), uban sa COMELEC, ang usaka resolution ug commitment pinaagi sa Joint Letter Directive (JLD) No. 01-2022, nga nagtumong aron mas mapakusgan pa ang koordinasyon tali sa mga signatory agencies ug ipakta ang ilang panaghiusa sa pagtuman sa ilang mga katungdanan atol sa panahon sa election.
Samtang, gikanayon usab sa EastMinCom Commander nga hugot nilang gimonitor ang unsa mang grupo nga mohimo sa pagsabotahe sa eleksiyon ug mas gipakusgan ang presensiya sa military sa mga hotspot area nga giila sa comelec ug uban pang mga dapit nga adunay security concerns samtang nagsugod na ang local campaign period.
