DAVAO CITY – Gisaulog sa dakbayan sa dabaw ang pagka-pili niini isip Top Performing LGU sa Mindanao gumikan sa pagpatuman ug sa pagsunod sa mga rekisitos sa VaxCertPH ilalom sa Highly Urbanized Cities (HUC) category. Gidawat ni Vaccination Cluster Head Dr.
Josephine Villafuerte sa Davao City COVID-19 Task Force ang plaque of recognition alang sa suidad atol sa awarding rites nga gipahigayon niadtong Marso 22, 2022, sa SMX Convention Center sa Pasay City.
Gawas sa dakbayan sa dabaw nakadawat usab sa susamang pasidungog ang Marikina City sa National Capital Region (NCR) ug Iloilo City sa Region 6.
Na-una nang gilusad sa dakbayan sa dabaw niadtong October 2021 ang digital vaccination certificate booth sa Teen Center Facility haduol sa People’s Park alang sa Dabawenyo migrant workers ngna naka-schedule nga mobyahe paingon sa abroad.
Sukad niadto, kini ang mas gipalapdan aron maatiman ang tanang katawhan.
Samtang, sa kasamtangan ang city-managed VaxCert PH issuance ang gipahimutang sa mga designated hubs sa mga piniling mall sa dakbayan sa dabaw.
Ang VaxCert PH booths ang bag-uhay lamang nangabri karong bulana lamang sa Abreeza Ayala Malls, SM Lanang Premier, ug SM City Davao.
Gikanayon ni Villafuerte nga nahukman nila nga mag-abri ug mas daghan pang mga booths aron maatiman ang mas daghang Dabawenyos gumikan kay naghuot na usab ang Teen Center diin daghang mga tawo na ang naga-adto.
Dugang pa ni Villafuerte nga makita na sa vaccination certificate ang pasi-unang doses pa lamang sa anti-covid vaccines nga gihatag ngadto sa usaka indibiduwal.
