DAVAO CITY – Gikatakdang ilusad ang tulo ka adlaw nga covid 19 vaccination roll out ang Davao City Vaccination Cluster sugod karong adlaw hangtud na sa March 31, kung diin ipahigayon kini sa mga barangay ug sa mga vaccination hubs.
Gikanayon ni Vaccination Cluster Head Dr. Jospehine Villafuerte, nag-una nga target sa mga vaccination teams ang mga barangay nnga adunay giukatalang ubos nga vaccination rate.
Dugang pa ni Villafuerte nga naa sa 50% pa lamang ang kinatibuk-ang ihap sa mga barangay sa dakbayan sa dabaw ang adunay vaccination rate nga mas ubos sa 70%, samtang 80% usab sa mga dagkong barangay sa dakbayan.
Gikanayon usab ni Villafuerte nga olapas sa tulo ka adlaw ang bakunahan sa mga barangay, partikular na niadtong mga naa nahimutang sa mga lagyong dapit sanglit kianahanglan pa nga mobyahe sa mga vaccination teams aron mag set up ug makiglambigit sa mga barangay official alang sa house-to-house vaccination ngadto sa mga indbidwal nga malisdan sa pag-adto sa mga vaccination sites.
Subay sa labing ulahi nga record penetsahan ug Marso 26, 2022, naa sa 1,292,684 ka mga Dabawenyo na ang fully-vaccinated, samtang naa sa 229,588 pa lamang ang nakapa-booster shot.
