DAVAO CITY – Mitala ug tulo ka mga covid 19 related deaths ang Davao City Covid 19 Task Force gikan March 13 hangtud March 19, 2022 nga susamang mga senior citizen.
Subay sa gipagawas nga pahayag sa lokal nga kagamhanan sa dakbayan sa dabaw, gikanayon ni City Covid 19 Task Force Spokesperson Dr. Michelle Schlosser nga ang tulo ka mga senior citizen nga namatay ang pulos dili mga bakunado o unvaccinated kontra covid 19.
Tungod niini subling gidasig ni Schlolsser ang mga Dabawenyo ilabi na ang mga naa sa vulnerable sector o kadtong mga senior citizen, adunay comorbidities, ug immuno-compromised nga magpabakuna na kung wala pa sila nakakuha niini ug magpabooster shot na usab alang niadtong mga fully-vaccinated na.
Subling gipahayag ni Schlosser ang kamahinungdanon sa bakuna batok sa covid 19 sanglilt maghatag kini ug dugang proteksiyon batok sa mas grabe nga mga simtomas nga dala sa nahisgutangh sakit.
Labot niin, padayon ang information ug education campaign sa Vaccination ug Health Cluster labot sa vaccination, kung diin prayoridad nila ang mga lagyong barangay ug mga konunidad nga adunay ubos nga vaccination rate.
Ang pagpahugot pa sa kampanya alang sa pagbakuna ang kalakip sa pagpangandam nga gihimo sa dakbayan alang sa gikabalak-ang subli nga surge sa covid 19 nga gibana-bana nga mahitabo sa bulan sa Abril o mayo.
