DAVAO CITY – Gi-awhag karun sa Davao City COVID-19 Task Force ang mga dabawenyo nga dili na hulaton pa ang gilauman nga surge sa bulan sa Mayo o Hunyo hinungdan nga kinahanglan magpabakuna ug magpabooster gilayon.
Una ng gibutyag ni Dr. Michelle Schlosser, tigpamaba sa Davao City COVID-19 Task Force, nga wala nila gipadaplin ang posibilidad nga adunay lain nga surge nga masinatian sa dakbayan.
Sumala sa opisyal nga ayha unta subli nga masinatian ang posible nga surge, angayan nga makapa-booster na ang tanan aron masiguro nga dili na musangpot sa grabe ang sitwasyon kung ugaling matakdan sa kagaw ug sa uban pa nga variant niini.
Bisan nga anaa karun sa alert level status ang dakbayan ug mandato ang pagsuot ug facemask ingon man paghugas ug kamut, kinahanglan pa gihapon nga adunay igong proteksiyon sa kaugalingon.
Sa kasamtangan, gibalanse sa lokal nga kagamhanan ang health ug economic recovery uban ang fully operational ug full capacity offices sa mga establisyemento.
Gani bastante sumala pa karun ang supply sa bakuna sa dakbayan ug mamahimo nga makapili kung unsa nga brand ang ibakuna.
Nagpadayon sab sumala pa karon ang drive-thru, walk-in, o mobile vaccinations sa Crocodile Park ug People’s Park vaccination hubs ug gilugwayan pa nila ang ilang operasyon ug hangtud sabado arun lamang ma-cater kadtong nanarbaho ug weekdays ug makahigayon lamang panahon sa weekend.
