DAVAO CITY – Gideklara karon sa dakbayan sa dabaw isip persona non grata si vice presidential candidate Walden Bello.
Kini ang pinasikad sa gipalabang nga usaka resolution sa 19th Davao City Council atol sa ilang regular session karong adlawa lamang.
Ang nahisgutang lakang ang may kalabutan sa mga malisyosong pahayag ni Bello nga nakadaot sa dungog sa dakbayan sa dabaw ug sa kinatibuk-ang katawhang Dabawenyo.
Kahinumduman nga una nang gikanayon ni Bello nga napuno sumala pa ug kurapsyon ang katukuran sa davao city coastal road ug niining bag-o lamang gipasangil na usab nga nahimong trading center sa illegal nga druga ang dakbayan sa dabaw.
kahinumduman nga gipakahan na usab sa kanhi Davao City information officer nga si Jefry Tupas niadtong March 7, 2022 si Bello ug P10 million nga damages may kalabutan sa cyber libel complaint batok niini.
Karong adlawa lamang, mipagawas ug pamahayag ang Hugpong ng Pagbabago (HNP) nga na-alarma kini sa pasangil ni Bello nga gihimong trading center sa illegal nga druga ang syudad.
Buot sa HNP nga pa-imbestigahan kung unsa ka tinuod ang pasangil niini sanglit naghatag kini ug dakong bahad sa katawhan.
