DAVAO CITY – Napuno matud pa sa kurapsiyon, kini ang gibutyag ni Vice Presidential candidate Walden Bello kalabot sumala pa sa pipila ka mga proyekto sa dakbayan kalakip na niini pagtukod sa coastal road sa dakbayan diin kuwestiyonable o sobra sumala pa kadaku ang pondo nga gigahin niini o tugbang sa usa ka milyon matag metro sa maong dalan.
Gihimo sa nahisgutan ang alegasyon atol sa gipahigayon nga Vice Presidential debate nga gipaluyuhan sa Comelec sa Sofitel sa Pasig City kagabie.
Kahinumduman nga pipila ka higayon niya nga gipadungog-dungogan si Davao City Mayor Inday Sara Duterte-Carpio nga mikandidato sab pagka-Bise Presidente ug running mate niini nga si Bongbong Marcos gumikan sa wala pagtambong sa mga nahisgutan matag adunay ipahigayon nga mga debate.
Gani misangpot pa sa punto nga gisugyot ni Bello sa Comelec nga pahamtangan ug bug-at nga penalty ang mga dili mutambong sa nahisgutan nga aktibidad.
Gawas sa coastal road, aduna sab sumala pay kurapsiyon sa planong Transport modernization sa dakbayan ug sentro sumala pa ang siyudad sa suliran sa illegal nga druga sa rehiyon bisan nga dinhi pa nagpuyo ang pamilya sa mga Duterte.
