Giisip sa Malacañang nga senyales sa maayong relasyon sa duha ka pamilya ang pagbisita ni Queen of All Media Kris Aquino uban sa iyang mga anak nga sila Josh ug Bimby kang First Lady Liza Araneta-Marcos.
Matud ni Palace Press Officer ug Communications Undersecretary Claire Castro, wala pa nagpaambit og detalye ang First Lady kabahin sa ilang panagkita apan positibo ang pagtan-aw sa Palasyo sa maong pagbisita.
Kahinumdoman nga si First Lady Liza mismo ang nagpaambit sa social media post sa pagbisita nila Kris, Josh ug Bimby kaniadtong Domingo, Agosto 9, 2026.
Nagdala usab ang mag-ina og mga cake isip sorpresa alang sa First Lady ayha ang adlawng natawhan niini karung umaabot nga Agosto 21.
Nagpasalamat usab si First Lady Liza sa pagbisita sa pamilyang Aquino.
