DAVAO CITY – Padayon nga gi-obserbahan ang kahimtang sa pipila ka mga indibidwal kinsa nalambigit sa aksidente nga natigayon sa Sitio Lanitom, Brgy Suawan, Marilog Dist. ning dakbayan kagahapon nga gikalambigitan sa duruha unit sa sakyanan, motorsiklo nga gimaneho sa usa ka Gonzaga Erwin Magkidong, residenmte sa Calinan ning dakbayan uban ang iyang angkas nga si Mark Alexis Lesigues Calumba, residente sa Calinan ning siyudad ug usa ka unit Isuzu dropside  nga gimaneho usab ni Richmund Lamela, residente sa Mangagoy, Bislig City.
Sa ulahing imbestigasyon, nasayran nga ang mga nahisgutan ang nagsubay sa managlahi nga direksiyon. Ang mga nagmaneho sa motorsiklo ang gikan sa Calinan proper ug paingon sa Marilog samtang ang sakyanan ang gikan sa Marilog proper karga ang mga gulay ug paingon dinhi sa dakbayan.
Pag-abot sumala pa sa liku-on nga bahin sa nahisgutan nga lugar, nawad-an ug kontrol ang driver sa sakyanan.
Tungod niini, midiretso kini sa pikas nga lane hinungdan nga gisungag niini ang motorsiklo nga gisakyanan sa mgha biktima.
Gani nahagbong pa sa open canal ang sakyanan human ang insidente.
Tanan sakay sa sakyanan ang nangalagpot nga maoy hinungdan sa hinanali nga kamatayon sa usa ka Retada Rhandulf , residente sa Mangagoy Bislig City, samtang lain pang duruha ka mga pasahero nga sakay sa sakyanan nga sila sila Anthony Retadar, 22 anyos, residente sa Maa Davao City ug  Rommel Asotigue,30 anyos susama nga residente sa Brgy Mangagoy Bislig City ang nakaangkon ug seryoso nga injury sa lawas.
Samtang nakaangkon sab ug seryoso nga injury sa ilang kalawasan ang driver ug sakay sa motorsiklo.
Tanan nga mga biktima ang dali nga gidala sa  SPMC sa miresponde nga ambulansiya sa central 911, samtang ang patay nga lawas sa usa sa mga sakay sa sakyanan ang gidala sa usa ka punerarya sa siyudad.
