DAVAO CITY – Giila karon nga dakung kalampusan ang paglunsad sa Davao-Marawi Friendship Bus Route sa milabay nga bulan sa Pebrero niining tuig kasamtangan.
Sumala pa kang Davao City Overland Transport Terminal (DCOTT) head Aisa Usop, anaa sumala pa sa kinatibuk-ang 600 bus trips ang ilang matala matag adlaw sukad nga gipailalom ang dakbayan sa Alert level 1 kaniadtong Marso 1.
Kahinumduman nga sa inisyal nga paglunsad, anaa sa 15 ka mga bus units sa Mindanao Star bus line ang gitugtan apan walo pa lamang sa kasamtangan ang otorisado.
Gikanayon sab Land Transportation Franchising and Regulatory Board (LTFRB)-Davao nga ginamonitor nila ang dagan sa maong ruta aron nga masayran kung kinahanglan pa nga dungagan pa ang ihap sa mga bus trips matag adlaw.
Gipatas-an sab karun sa ahensiya ang fleet size sanglit ang kasamtangan nga fleet ang dili igo aron nga ma-cater ang demand sa mga pasahero ilabi na kung adunay pagsaka niini.
Makatabang sab sumala pa ang maong bus route arun nga mapaubsan pa ang biyahe sa mga kolorum nga mga sakyanan ilabi na nga ang bus fare alang sa Davao-Marawi route ang anaa sa P797 nga mas barato kung itandi sa mga kolorum vehicles nga anaa sa P1,800 ang pamasahe.
Gikanayong ang mga kaigsuonan nga Muslim ang mas labing maka-benepisyo sa biyahe nga Davao-Marawi bus route o vice versa.
