DAVAO CITY (UPDATE) – Laing patay nga lawas na usab sa natabunang mga minero sa davao de oro ang nakalutan sa retrieval team.
Gikanayon ni Kent Simeon, sa MDRRMO Pantukan Davao de Oro nga naila ang ika-tulong patay nga lawas nga narecover nga si Henry Canopin.
Sa kasamtangan, usa na lang ka patay nga lawas sa mga miniero ang padayon nilang gipangita gikan sa natabunang bankhouse niini nga nailang si Dodong Elipe nga taga Tandag Surigao del Sur.
Sa kasamtangan, temporaryo unang gihunong sa team ang ilang operasyon gumikan sa nagpadayong pag-ulan.
Dugang gibutyag ni Simeon nga pipila sa mga naglangkob sa retrieval team ang mibalik na usab sa ilang mother unit ug bugtong nagpabilin na lamang sa maong dapit ang mga kaubanan usab nga mga minero sa mga natabunang mga biktima.
Kahinumduman nga una nang narecover ang mga patay nga lawas sa mga minero nga sila Gilbert Ayo ug si Crisanto Canopin.
