DAVAO CITY – Gilu-agan na ang pipila ka mga restrictions sa dakbayan human ang padayon nga pag-ubos sa ihap sa mga natakdan ug virus gumikan sa Covid-19.
Kahinumduman nga gipagula sa lokal nga kagamhanan kagahapon ang Executive Order No. 11, Series of 2022 o kamandoan sa pagtangtang sa tanan nga mga Covid-19 restrictions dinhi sa dakbayan sa Davao.
Hinuon aduna pa gihapoy nga polisiya nga kinahanglan nga ipabilin sama na lamang sa pagsuot ug facemask gawas lamang kung mukaon ug muinom.
Samtang kinahanglan sab nga ipatuman ang pagpahimutang ug Handwashing facilities with soap, tubig ug alcohol ingon man hand sanitizers sulod sa mga balay pamatigayon o mga opisina.
Hinuon gitangtang na karon ang pagpatuman ug one-meter distancing requirement.
Sa bahin sa Border Control, dili na required ang pag-presenta ug mga dokumento alang sa land, sea, ug air domestic travellers gawas na lamang sa mga pangayuon nga rekisitos sa Philippine National Police (PNP) o Armed Forces of the Philippines (AFP) sama sa pagpresenta ug valid ID isip kabahin sa law enforcement, anti-illegal drugs, ug antiterrorism operations.
Sa CONTACT TRACING. Gisuspende na karon ang paggamit ug DQR alang contact tracing.
Tugtan lamang ang home isolation alang sa mga positive cases.
Gi-lift na sab o wala nay ipatuman nga lockdowns kalakip na granular lockdowns nga una ng gipatuman isip Covid-19 response sa lokal nga kagamhanan.
Gitugot na sab karun ang OPERATIONAL CAPACITY sa tanan nga mga negosyo, buhatan ug establisyemento.
Gitangtang na sab karon ang gipatuman nga alternative work arrangements alang sa local ug national government offices.
Tanan nga mga transportasyon o mga public utility vehicles ang tugtan na makapasakay sa kapasidad niini subay sa pre-pandemic guide.
Mamahimong malipayon na sab ang mga mahiligon sa contact ug non-contacts sports gumikan kay gitugtan na kini kalakip na ang trainings ug tournaments/competitions.
Tanan nga mga negosyo, b uhatan ug establisyemento mamahimong momugna ug magpatuman sa ilang kaugalingon nga Covid-19 restrictions sulod lamang sa ilang bisinidad.
Kinahanglan gilayon nga ipatuman ang nahisgutan nga kamandoan dungan sa pagpagula sa executive order kagahapong adlawa.
