DAVAO CITY – Gi-awhag sa Davao City-based environmental group ang mga residente nga mupili ug mga lider sa May 2022 elections nga champion sa environmental protection luyo sa nagkagrabe nga concern sa climate crisis.
Sumala pa kang Atty. Mark Peñalver, executive director sa Interfacing Development interventions for Sustainability (IDIS), nga ang siyudad kinbahanglan ug lideres nga adunay “political will” aru masiguro ang istrikto nga pagpatuman sa local ordinances nga makahatag ug proteksiyon, conserve, ug madumala pag-ayo ang kinaiyahan.
Gani plano matud pa nga magpahigayon ang IDIS ug “Green Vote 2022 Survey” aron nga matabangan ang mga Dabawenyos nga makapili kung si kinsa nga kandidato ang adunay tin-aw ug mahinungdanon nga plataporma aron nga masolusyonan ang mga isyu sa kinaiyahan kalakip na ang uban pang epekto sa climate change, pagbaha, pagsaka s aurban heat, reclamation sa urban wetlands, deforestation, ug waste management.
Ipadala ang mga survey forms sa tanan nga mga kandidato nga nagpapili sama na lamang sa mayor, vice mayor, representatives, ug councilors aron masayran kung unsa ang ilang mamahimong lakang ilabi na kung hisgutan ang pagproteka sa watershed , solid waste management ug zero waste lifestyle, urban livability, good agricultural practices, sustainable/clean energy, ug policy bottlenecks ingon man good governance.
Target sa IDIS nga mapagula ang resulta sa survey pagsulod sa Abril 2022.
Kahinumduman nga pipila ka higayon na nga nakahipus ug basura sa ang grupo sa mga kasapaan sa dakbayan nga gilangkuban sa face masks ug mga nagkadaiyang plastic waste partikular na sa Panigan-Tamugan Watershed atol sa ilang gipahigayon nga clean up driver sa milabay nga tuig.
Tungod niini mahinungdanon gayud nga ang us aka kandidato adunay agenda sa pag-protekta sa kinaiyahan ug climate crisis ilabi na nga nakasinate sab ang siyudad ug epekto sa climate change sa milabay nga mga katuigan.
