DAVAO CITY – Gikanayon sa usa ka health official ning siyudad nga mayorya pa gihapon sa mga namatay tungod sa covid-19 dinhi sa siyudad ang mga dili bakunado.
Una ng nasayran nga ang siyudad nakatala ug siyam ka mga namatay subay sa COVID-19 Task Force data gikan Pebrero 13 hangtuf 19, 2022 diin sa nahisgutan nga ihap, pito o 77 porsyento niini ang dili bakunado, usa ang vaccinated ug usa ang ipailalom pa sa verification.
Gikanayong ang upat sa mga dili bakunado ang susama nga senior citizens o nag-edad ug 60 anyos pataas ang nahibilin ang anaa sa 30-39 age group, 40-49 age group, ug 50-59 age group.
Tungod niini, padayon nga gi-awhag ni Vaccination Cluster Head Dr. Josephine Villafuerte ang publiko nga magpabakuna batok Covid-19 arun nga adunay dugang nga proteksiyon sa kaugalingon.
Nanawagan sab kini sa mga residente nga magpa-booster shot arun nga malikayan ang grabe nga risgo nga ihatud sa disease.
Sa ulahing ihap, anaa na matud pa sa kinatibuk-ang, 1,296,684 ka mga Dabawenyos ang nakadawatg ug first dose samtang anaa sa 1,274,643 ka mga indibidwal ang fully immunized.
Samtang sa mga fully immunized individuals, anaa lamang sa 200,874 Dabawenyos o 15.76 percent ang naka-avail sa booster dose sukad Pebrero 18, 2022.
