DAVAO CITY – Gipahimangnoan ni Regional Police chief Brigadier General Filmore Escobal ang iyang mga personahe nga magpabilin nga non-partisan ug pabilin nga mutamod sa ilang trabaho nga siguruhon nga mamentina ang kahusay ug kalinaw ilabi na ang nagsingabot nga May 2022 elections.
Gikanayon ni Escobal nga kinahanglan likayan sa kapulisan ang paghatag ug pagpadayag ug suporta sa bisan kinsa man nga political candidate o grupo.
Una ng gilusad sa kapulisan ang Secure, Accurate, Free/Fair National and Local Elections (SAFE) 2022-KASIMBAYANAN (Kapulisan,Simbahan, Pamayanan) diin ang nahisgutan nga programa ang inabagan sa Commission on Elections (Comelec) uban ang mga nagkadaiyang Religious Sectors, nagkadaiyang Non-Government Agencies, Local Government Units, Political Candidates, Advocacy Support Groups ug uban pa nga Stakeholders.
Kahinumduman nga tol sa launching ang mga mga partisipante nagpahigayon ug Interfaith Prayer, Candle Lighting, Covenant Signing ug nag-release ug mga puti nga kalapati.
Gikanayong ang mga nagkadaihang ahensiya, orgnaisasyon, unit ug stockholders ang milagda ug commitment alang sa SAFE 2022.
Samtang gikanayon ni Comelec 11 Assistant Regional Director Lawyer Gay Enumerables, nga ang nagsingabot nga 2022 National ug Local Election ang nagpabilin nga nga dakung hagit gumikan kay anaa pa ang presensiya sa COVID-19 pandemic.
Gikanayong ang paglunsad sa KASIMBAYANAN ang usa ka mahinungdanon nga inisyatibo aron nga tapukon ang tanan nga mga stakeholders aron nga ideklara ang gipanumpaan nga saad alang sa non-partisan elections.
