DAVAO CITY – Gi-andam na ang pagduso ug reklamo sa usa ka mag-uuma kinsa nalambigit sumala pa sa nahitabong hostage taking sa Brgy. Sta.Cruz, Talicud Island, Kaputian District, Island Garden City of Samal.
Una ng naila ang suspek nga si Garry Impuesto, 33 anyos, usa ka mag-uuma ug residente sa nahisgutan nga dapit. Samtang ang biktima usa matud pa ka minor de edad nga wala na hinganli kinsa gikandado niini sulod sa ilang panimalay.
Sa ulahing imbestigasyon sa Island Garden City of Samal Police Station.
Dala matud pa sa suspek ang atsa dihang mitahan sa otoridad.
Apan wala damha ni Police Lieutenant Colonel Reny T Valdesco, Acting Chief of Police nga usa sa mga miresponde sa lugar nga kalit na lamang kini nga gitigbas sa suspek hinungdan nga na-igo kini sa wala nga bahin sa iyang ulo.
Dali sab dayon nga gidala sa Barangay Clinic ang police officer alang sa first-aid application ug dayon gi-endorso sa Davao del Norte Hospital-IGACOS Zone samtang ang suspek ang anaa karon sa kustodiya sa nahisgutan nga police station.
Anaa sab karon sa kustodiya sa City Social Workers and Development Office ang minor de edad.
