DAVAO CITY – Suportado karon sa Philippine Pharmacists Association (PPHA)-Davao ang gikanayong pagpanday ug balaod nga mag-regulate sa pagpamaligya ug mga medisina sa sari-sari stores ug susama nga mga establisyemento kini aron masiguro ang kaluwasan sa mga konsumante.
Sumala pa kang Dr. Kenny Merin, presidente sa PPHA-Davao, angayan sumala pa nga adunay gikinahanglan nga mga dokumento ang mga sari-sari stores ug uban pang tindahan aron nga legal kini nga mamaligya ingon man mag-distribute ug mga tambalan ug masubay kung dili counterfeit ang mga medisina nga gipangtinda.
Una ng gibutyag ni konsehal Mary Joselle Villafuerte, chairperson sa Committee on Health, nga gitun-an na karon sa konseho ning siyudad ang posibilidad nga moduso ug ordinansa nga mag-regulate sa pagpaninda ug tambal sa mga sari-sari store subay na sab sa sugyot sa Food and Drug Administration (FDA) apan kinahanglan una kini nga hisgutan.
Gibarugan ni Merin nga dili angayan nga tugtan ang mga sari-sari stores ug non-drug outlets nga mamaligya ug tambalan gumikan kay dili otorisado ang mga nahisgutan ug kinahanglan pa ug pag-apruba gikan sa FDA.
Base sumala pa sa Republic Act 10918, o Philippine Pharmacy Act, pharmaceutical products ang gitugtan nga mamaligya ug tambal mao ang mga drug outlets nga lisensiyado sa FDA ug bugtong ang mga professional pharmacists lamang ang mamahimong muhatag ug prescription sa pipila ka mga tambal ug over-the-counter drugs.
