DAVAO CITY – Nagpagula karon ug hulagway ang lokal nga kagamhanan sa Island Garden City of Samal ingon man ang kapulisan kalabot sa duruha ka mga peneriso nga nakaikyas ug padayon karon nga gipangita.
Nanawagan karon ang otoridad nga kung si kinsa man ang nakakita o makatahag ug impormasyon sa gikabutngan sa mga miikyas nga peniriso nga nailang sila si PDL Drakilou Falcon ug PDL Chris Ablas Cansas nga gilayong makiglambigit ngadto kanila o sa pinakaduol nga estasyon sa kapulisan.
Makonsidera sumala pa ang mga suspek nga armado ug delikado hinungdan nga gipahimangnoan ang katawhan nga mag-igmat ug pabilin nga alerto.
Mamahimo sumala pa nga dakong bahad ang mga nahisgutan ngadto sa publiko.
Nasayran nga kaniadtong pang bulan sa Enero nakaikyas ang duruha ka mga peneriso ug padayon pa nga gipangita hangtud karung panahona.
