DAVAO CITY – Mas miubos pa karun ang positivity rate sa dakbayan diin sa ulahing pagpagmonitor, anaa lamang kini sa 7.8 percent gikan sa duol-an 50 percent sa milabay nga bulan.
Sumala pa kang Dr. Michelle Schlosser, tigpamaba sa Covid-19 Task Force, nga ang positivity rate ang dakbayan ang hapit na sa acceptable rate nga 5 percent apan ang kasamtangan nga 7.8 percent positivity rate ang pabilin pa gihapon nga taas.
Kahinumduman nga kaniadtong bulan sa Enero, ang positivity rate sa siyudad nga miabot ug 48.34 percent tungod sa surge sa kaso nga hatud sa social gatherings kaniadtong holiday season sa milabay nga Disyembre.
Sukad kaniadto, hinay-hinay na kini nga miubos sa 32 percent pagsulod sa Enero 30 samtang 19.7 percent pagsulod sa 9.
Gipasabot ni Schlosser nga ang pag-ubos sa positivity rate sa dakbayan ang hinungdan nganong gipailalom karon sa Inter-Agency Task Force for the Management of Emerging Infectious Diseases (IATF) ang alerto sa siyudad nga Alert Level 2.
Samtang gitino sa nahisgutan nga bisan unsa sumala pa ang alert level classification sa dakbayan, magpabilin pa gihapon ang presensiya sa Sars-CoV-2 ngadto sa komunidad.
