DAVAO CITY – Lauman sumala pa nga hinay-hinay na sab nga mudagsa dinhi sa dakbayan sa Davao ang mga turista ilabi na kadtong gikan sa mga Visa free countries.
Kini sumala pa ang hinungdan nga nanawagan karon ang buhatan sa City Tourism Operation Office (CTOO) nga kinahanglan pahugtan pa ang mga lakang aron nga mapabilin ang pagtamud sa Minimum Health Standards (MHS).
Kahinumduman nga mas lu-ag na karon ang pagdawat sa mga bisita nga mosulod sa siyudad sanglit dili na kini pangayuan ug daghanang rekisitos ilabi na kung fully vaccinated apan kadtong gikan sa mga langyaw’ng dapit kinahanglan nga mo-presenta ug negative RT-PCR test result.
Salig karun ang nahisgutan nga buhatan nga hinay-hinay na nga makabangon karon ang Turismo sa dakbayan dungan sa mas lu-ag nga mga restrictions.
Usa sab sa lauman nga mapahigayon sulod karung tuiga dinhi sa siyudad ang MICE kun Meetings Incentives, Conventions and Exhibit (MICE) meetings.
Una na sab nga nasayran sa CTOO nga nagpadayon karon ang pagsaka sa domestic flights sa Davao International Airport (DIA) ingon man mibalik na sab ang pipila ka mga international flights.
