DAVAO CITY – Gipalapdan pa karon ang pagpahigayon ug Door-to-door anti-Covid vaccination drive sa siyudad diin sakop niini ang mga dabawenyos nga dili makaadto sa mga vaccinations site gumikan sa pipila ka mga rason.
Gikanayong kalakip sumala pa sa Door-to-Door vaccination kadtong mga breastfeeding mothers, mga mabdos, ingon man kadtong dili mabiyaan ang ilang mga anak nga ilang gibantayan samtang anaa sa ilang panimalay.
Una ng gihatagan ug prayoridad sa mobile vaccination ang mga persons with disabilities, senior citizens, ug mobility-challenged persons.
Sa kasamtangan ginapahigayon ang door-to-door vaccination sa matag District Cluster aron nga mas daghanang Barangay ang mabisita. Gikanayong sakop sa una nga cluster ang Barangay Bucana, Barangay Maa, Barangay Magtuod, Barangay Langub, ug Barangay Matina Pangi.
Sa milabay nga Pebrero 9, ang Door-to-Door vaccination nakatala na ug 684 Dabawenyos nga nabakunahan.
Sa nahisgutan nga ihap, 307 ang nakaangkon ug first dose, 284 ang fully vaccinated, ug 93 ang naka-avail ug booster doses.
