DAVAO CITY – Balhug karon sa presohan sa Mandug Police station ug mag-atubang na ug kasong paglapas sa Republic Act 9165 kun Comprehensive Dangerous Drugs Act of 2022 ang usa ka 33 anyos nga lalaki nga nalambigit sa pagpamaligya ug ginadili nga druga.
Kahinumduman nga mikabat sa P160 mil nga kantidad sa illegal nga druga ang narekober gikan sa giilang Top 7 regional high value target sa nga nailang si alyas “BOSS”, 33 anyos, utility custodian ug residente sa Ulas ning dakbayan.
Malampuson nga nadakpan ang nahisgutan sa operasyon dungan sa mas gipahugtan nga kampanya batok illegal nga druga sa otoridad.
Una nakuha sa posisyon sa suspek ang duruha ka pakete sa shabu nga mutimbang ug 10 grams ug adunay street market value nga one hundred sixty thousand pesos (Php 160,000.00).
Kalakip sab niini ang mga Non-drug evidences sama sa usa ka cellphone, usa ka brown wallet ug Professional Driver’s License ingon man ang P1000-peso bill ug thirty-nine (39) ka mga replicated 1000-peso bill boodle money.
Anaa karon sa kustodiya sa kapulisan ang mga nahipus nga ebidensiya ug gidala dayon kini sa Davao City Forensic Unit XI, Ecoland, Davao City alang sa laboratory examination.
Dugay na matud pa nga gimonitor ang lihok sa suspek ayha giplanohan ang operasyon sa pagsikop kaniya.
